EMPEEREZI 

Zino z’ennukuta eziyamba okuwa ekigambo eddobozi era wezitali tekisoboka kwatulwa y’ensonga lwaki ziyitibwa njatuza era ze zino.

A        E        I        O       U

Amateeka agafuga empeerezi

1. Empeerezi ebbiri tezitandika kigambo okugeza,

Ekifu                              Ekituufu

Oomuwaala                      Omuwala

Eebibbo                           Ebibbo

Aabaana                          abaana

1. Empeerezi ebbiri tezisemba ku kigambo okugeza

Ekifu                              Ekituufu

Akaloo                             Akalo

Ekitii                               Ekiti

1. Empeerezi ezitafaanagana tezeriraana

Okugeza;

Ekifu                              Ekituufu

Nakaiza                           Nakayiza

Abaizi                               Abayizi

Omuana                           Omwana

Wetegereze: Kunnukuta zino bweziba zaagala okweriraana mu kifo we kyeyolekera tuteekawo nampawengwa (Y oba W).

1. Empeerezi I ne U tezitandika kigambo muluganda

Okugeza

Ekifu                              Ekituufu

Ingira                              Yingira

Uwummula                       Wummula

• Empeerezi a, o, e z’ezitandika ebigambo muluganda okugeza; akambe, omugoyo, entamu.
• Empeerezi ebbiri ezifaanagana zisobola okuwandikibwa awamu naddala eddoboozi singa liba  liwangaala. Okugeza; omupiira, ekikeeto, okuloota, nebirala.