Enzimba Y’ennyingo
Ennyingo bwebutundutundu obwenjawulo obukola oba obuzimba ekigambo.
Ebika By’ennyingo
- Ennyingo ey’ennukuta emu eno ezimbibwa n’empeerezi yakko era nga zezino empeerezi ezikola ennyingo a, e, o. okugeza; o-mupiira, e-mmere, a-kawala.
- Ennyingo ey’ennukuta ebbiri. Wano tukozesa ensirifu emu n’empeerezi emu okugeza wa, ye, ku, bo. Ku-li-ma
- Ennyingo eyennukuta essatu
- Ensirifu bbiri n’empeerezi emu okugeza; amazzi, Okutta, Omuggo
- Nakinyindwa ko ne nsirifu n’empeerezi
- Mba - okulimba
- Nga - egwa-nga
- Mpu - empunu
- Ensirifu n’empeerezi bbiri.
- Baa - Abaana
- Waa - Okuwaata
- Saa - Okusaala
- Ensirifu gattako ne nampawengwa n’empeerezi okugeza;
Mye - Emyenda.
Twa - Obutwa
- Ennyingo y’ennukuta ennya.
- Ensirifu bbiri n’empeerezi bbiri okugeza;
Ssaabasajja, nnaabakyala, Ssaabasumba, eggaali
- Nakinyindwa + ensirifu + nampawengwa + empeerezi. Okugeza;
Nkwa - enkwawa
Mbwa - embwa
- Ensirifu bbiri n’enampawengwa okugeza;
Eddwaliro, emmwanyi
- Ennyingo y’ennukuta ettaano.
- Ensirifu bbiri wamu ne nampawengwa n’empeerezi. Okugeza
Eggwiiso, Eggwaatiro
ENKOZESA Y’ENNUKUTA ENNENE
- Ngatutandika ssentensi yonna oba emboozi okugeza;
Omusajja yafumuuse emisinde tewali yategedde gyeyakute.
- Nga tuwandiika amanya agenkalakkalira okugeza;
- Ag’abantu, nga Kasiga, Nanyanzi, Ssenyimba.
- Ag’ensozi, nga Rwenzori, Kirimanjaro, Mufumbira.
- Ag’ebibuga nga Kampala, Mityana, Masaka.
- Ag’amawanga nga Abaganda, Abanyoro, Abasoga.
- Ag’ensi okugeza Yuganda, Kenya, Tanzania
- Ngatuwandiika emitwe gy’emboozi okugeza; “OKUBONAABONA SI KUFA”
- Ngatutandika vaasi y’ekitontome
- Ngatulaga obusukkulumu bw’omuntu okugeza Ssalongo, Ssabalabirizi, Nnaabagereka.
- Ngatuwandiika erinnya ly’ekitabo okugeza ZINUNULA OMUNAKU
- Ngatwagala okussa essira oba okuggumizza kyetwogerako naddala mu kitontome okugeza; MU BUSUJJU eyo e KIGGWA, Ye wali MUTASINGWA Akulira EKIKA KY’EMBWA