ENSIRIFU

Ennukuta zino ziyitibwa ensirifu lwansonga nti tezisobola kuyimirawo n’ezikola eddoboozi nga tezigatidwako mpeerezi. Zino zaawulwamu ebiti bibiri era byebino.

1. Nakinyindwa
2. Nampawengwa

NAKINYINDWA (EZOMUNYINDO)

Zino ziyitibwa ezomunyindo olwensonga nti ebiseera ebisinga zaatulirwa munyindo era ze zino (n, m, ny, ŋ).

Amateeka agafuga zinakinnyindwa.

1. Nakinyindwa “m” ne “n” bwezigattibwako ensirifu endala ku kkono waazo tetuwangaala okugeza

Ekifu                              Ekituufu

Ekitaanda                         Ekitanda

Ekiroombe                       Ekirombe

1. Nakinyindwa “m” ne “n” bwezigattibwako ensirifu endala ensirifu eyo tesobola kuggumira okugeza.

Enjjala                   Enjala

Omunttu                Omuntu

Akambbe                Akambe

1. Nakinyindwa tezeriraana mukigambo okugeza;

Nŋoma                   Ŋŋoma

1. Nakinyindwa eya “ny” teyeddiŋŋana mukulaga okuggumira nga bwekiri kunsirifu endala mukigambo.

NAMPAWENGWA

Zinoennukutazikolangempeereza ate olulala nezikola nge ensirifu era zezino

Amateeka agafuga Nampawengwa

Ennukuta zino teziguumira mukigambo okugeza;

Okuyyiga – okuyiga

Okulyya – okulya

Yyalinze – yalinze

Nampawengwa beeyegatta kunsinfu endala empeerezi kuddyo tewangaala nebweriba eddobozi liwangaala okugeza;

Omwaaka – omwaka

Emyaalo – emyalo

Omwaami – omwami

Nampawengwa bwe yegatta ku nsirifu endala empeerezi ku kkono esobola okuwangaala ekigambo ekibamu eddoboozi eriwangaala.

Okugeza;

Ekitiibwa,

omutiibwa nebirala.

KYEWAGGULA

Zino z’ennukuta awamu nebigambo ebitakiriziganya natteeka lyetulabye waggulu era mu zino mulimu.

• Ennukuta eya “ny” ebalibwa ng’ennukuta emu era tekiriziganya n’ateeka lyetulabye waggulu.

Singa ennyingo eba ekoleddwa “gg” ne tugattako nampawengwa nayo tefugwa tteeka eryo okugeza eggwaatiro, eggwooleso nebirala